Шымкенттегі "Бекжан" сауда орталығының маңындағы автотұрақтан өрт шыққаны белгілі болды, деп хабарлайды Skifnews.kz ақпарат порталы.
Өрт шыққан сәт түсірілген видео "smotra_shymkent" instagram парақшасында жарияланды. Видеоны көрген желі белсенділері болса, "Осы "Бекжанды" дуалаған-ау, өртене береді", "Осы базардың бағы ашылмады ғой", "Бекжаннан басқа өртейтін жер жоқ па, түсінбеймін, осы ше...", "Қашан қарасаң өртеніп жатады", "Неге осы Бекжан базарда өрт шыға береді екен?", - деп әлгі жерде өрт оқиға жиі болып тұратындығынан хабардар екендігін байқатты.
Айтпақшы, видеодан аспанға көтерілген көк түтінді байқауға болады.
Ал Шымкент қалалық ТЖД өкілдері: "Өртті сөндіруге 70 өртсөндіруші мен 24 дана техника жұмылды. Өрттің аумағы 280 шаршы метрге жеткен. Төтенше жағдайдан ешкім зардап шеккен жоқ. Өрт шамамен сағат 15.40-да сөндірілді. Себебі анықталып жатыр", - деді.