Оқиғалар 23.06.2020 сағат 10:20

Елордада мас әйел үш қызды қағып кетті (ФОТО)

Зардап шеккендер түрлі дене жарақатымен ауруханаға жеткізілді.
Елордада мас әйел үш қызды қағып кетті (ФОТО)
фото: ашық дерек көзі
Бөлісу
Бөлісу
Бөлісу

Нұр-Сұлтан қаласында 34 жастағы әйел көлігімен үш адамды қағып кетті. Полицейлердің айтуынша, жүргізуші көлікті мас күйінде тізгіндеген, деп хабарлайды Skifnews.kz ақпарат порталы Sputnik Қазақстанға сілтеме жасап.

"Біз екі жасар баланы көлік астынан шығарып алдық. Олардың бәрі бір отбасының балалары. Балалар аулада жүргенде, анасы үйінде болған. Кейіннен оқиға орнына жетті", - дейді куәгер.

Куәгерлердің айтуынша, апалы-сіңлілі бойжеткен екі қыздың жағдайы ауыр. Жедел жәрдем қызметі келгенге дейін зардап шегушілерге жақын жерде тұратын дәрігер алғашқы медициналық көмек көрсеткен.

Ал полиция бөлімі балалардың аман екенін мәлімдеді.

"Сағат 21:03-те 1986 жылы туған әйелдің басқаруындағы Mazda көлігі Қошығұлұлы көшесімен Бейсеков көшесі жағынан келе жатып жолдың қарсы бағытына шығып, жаяу жүргіншілер жолағында 2001, 2002 және 2018 жылы туған үш қызды қағып кетті. Зардап шеккендер түрлі дене жарақатымен ауруханаға жеткізілді", - делінген хабарламада.

Полиция дерегінше, қазіргі кезде орташа деңгейде мас болған жүргізуші ұсталып, уақытша ұстау изоляторына қамалды.

Оның үстінен Қылмыстық кодекстің 345-бабы (көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) бойынша іс қозғалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар