Оқиғалар 27.06.2020 сағат 03:10

Құсмұрында маскүнем ерлі-зайыптылар арматурасын өткізу үшін бірнеше зиратты қиратқан

Олар тапа-тал түсте 40-50-жылдардағы ескі бейіттерді бұзып жатқан сәтінде қолға түсті.
Құсмұрында маскүнем ерлі-зайыптылар арматурасын өткізу үшін бірнеше зиратты қиратқан
фото: stan.kz
Бөлісу
Бөлісу
Бөлісу

Қостанай облысының Құсмұрын ауылында тұратын ерлі-зайыптылар арматурасын алып, өткізу мақсатында 20-дан астам ескерткіш пен қабір құлпытастарын қиратқан. Ішімдікке салынған екеудің бұл әрекетін көрген ауыл тұрғындары полицияға хабар беріпті, деп хабарлайды Skifnews.kz ақпарат порталы, Еразия бірінші арнасына сілтеме жасап.

Арматураларды металл қабылдау пунктіне өткізу үшін ерлі-зайыпты маскүнемдер тапа-тал түсте 40-50-жылдардағы ескі бейіттерді бұзып жатқан сәтінде қолға түсті.

Анықталғандай, онда Екінші дүниежүзілік соғыс кезінде сол ауылға қоныс аударған шешен диаспорасының өкілдері жерленген. Одан бөлек, қос вандал басқа да ұлт өкілдері зираттарының да тас-талқанын шығарып үлгеріпті.

Осы жайтқа қатысты полицейлер қазір ҚР ҚК-нің 314-бабы бойынша тергеу жүргізіп жатыр. Бұл бап айыппұл төлеуді және 3 жылға дейін бас бостандығынан айыру жазасын көздейді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар