Елордалық әйел супермаркеттің астаң-кестеңін шығарды (ВИДЕО)

Әлеуметтік желілерде Нұр-Сұлтандағы супермаркеттердің бірінде ойран салып, келушілерді пышақпен қорқытқан әйелдің видеосы тарады, деп хабарлайды Tengrinews.kz.

Кадрлардан күйінген әйел жан-жағына пышақ сермеп тұрғанын көруге болады. Оны бірнеше ер адам сабырға шақырғысы келеді, бірақ бұл әйелді одан әрі ашуландырады.

Әйел "Жақындама маған", - деп айқайлап, сөредегі заттарды лақтырған.

Сондай-ақ, оның аузынан әділетсіздік және үйде күтіп отырған балалары туралы сөздер шығады.

Ол құқық қорғау қызметкерлері келген соң "Өзімшілсіңдер!", - айқайлаған.

Ескерту! Видеода бейәдеп сөздер айтылған.