Румыниялық әнші желідегі тікелей эфирде ажал құшты (ВИДЕО)

Румыниялық әнші Тави Пустиу желідегі тікелей эфирде қаза тапты, - деп хабарлайды Tengrinews.kz тілшісі РИА Новости агенттігіне сілтеме жасап.

Тави Пустиу көлік жүргізіп бара жатып, пойызға соғылған. Желідегі видеодан әншінің көлік тізгінінде отырғанын көруге болады. Оның жанында қыз отырған. Соңғы сәтте ол басын көтеріп, айғайлай бастаған. Осы сәтте видео да үзіледі.

Кейін румыниялық әншінің жол апатынан қаза тапқаны белгілі болды. Ал жанында болған әйелі ауруханада ауыр халде жатыр.