$ 446.49 € 475.38 ₽ 4.79
«Қазақалтын» кенішінде 33 жастағы жұмысшы топырақ астында қалып қаза тапты. Бұл туралы Ақмола облыстық Төтенше жағдайлар департаментінің баспасөз қызметі хабарлады.
«17 қазан күні өндірістік жұмыстар кезінде топырақ опырылып кетіп, соның салдарынан кәсіпорынның 1987 жылғы жұмысшысы топырақтың астында қалған», - делінген ведомство хабарламада.
Оқиға «Қазақалтын» Бестөбе кенішіндегі жаңа шахтада 12:30-да болған. «Қазақалтын» тау-кен металлургия комбинаты» АҚ құтқару отряды ер адамды топырақ үйіндісінің астынан алып шықты. Ер адам қатты жарақат алған. Жұмысшы Степногор қалалық ауруханасында қайтыс болды.
Қазіргі кеніш штаттық режимде жұмыс істеп тұр. Төтенше жағдайдың себебі анықталып жатыр», - деді Степногор қалалық ТЖ басқармасының бастығы Еркебұлан Есенжолов.
