Оқиғалар 18.10.2020 сағат 16:04

Елордада тұрғын үйден өрт шығып, екі адамның мәйіті табылды

Шылымды сөндіргеннен кейін оның күлін бірден қоқыс жәшігіне тастауға асықпаңыздар!
Елордада тұрғын үйден өрт шығып, екі адамның мәйіті табылды
фото: pixabay.com
Бөлісу
Бөлісу
Бөлісу

Елордада тұрғын үйлердің бірінен өрт шығып, екі адам қаза болды. Өрттің жалпы аумағы он шаршы метрге жетті, деп хабарлады Sputniknews.kz, қалалық төтенше жағдайлар департаментіне сілтеме жасап.

Төтенше оқиға жұма күні болған. Өрт орнына жеткен құтқарушылар бесінші қабаттағы пәтердің отқа оранғанын көреді.

Тек бір сағаттан кейін ғана өрт сөндірушілер қызыл жалынды ауыздықтай алды. Өртті сөндіру кезінде 43 жастағы ер адам мен 71-жастағы әйелдің денесі табылды.

"Өрт сөндірілмеген темекіден шыққан. Шаршаған немесе мас күйде шылым шекпеңіздер. Ешқашан темекіні сөндірмей қалдырмаңыздар, сіріңке мен темекі тұқылын жерге тастамаңыздар. Өзіңіздің және жақындарыңызды қауіп-қатерден сақтауға ерінбеңіздер. Шылымды сөндіргеннен кейін оның күлін бірден қоқыс жәшігіне тастауға асықпаңыздар", - деп еске салды төтенше жағдайлар департаменті.

Өртті сөндіруге қалалық төтенше жағдайлар департаментінің 14 қызметкері мен 3 техника тартылған. Оларға полицейлер мен жедел жәрдем мамандары көмектесті


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар