Оқиғалар 24.10.2020 сағат 18:18

Нұр-Сұлтанда көп қабатты үйден өрт шықты (ВИДЕО)

16 қабатты көппәтерлі тұрғын үйдің 15-қабатынан қою қара түтін шыққаны анықталған.
Нұр-Сұлтанда көп қабатты үйден өрт шықты (ВИДЕО)
Фото: inform.kz
Бөлісу
Бөлісу
Бөлісу

Елордада зәулім үйдің 15-қабатында пәтер өртенді, деп хабарлайды ҚазАқпарат.

Нұр-Сұлтан қалалық Төтенше жағдайлар департаменті баспасөз қызметінің мәліметінше, бүгін сағат 14.24-те елорданың өрт сөндіру бөлімшелеріне Сығанақ көшесі, 18/2 мекенжай бойынша шақырту түсіп, құтқарушылар оқиға орнына жедел аттанған.

Жеке құрамның 22 маманы мен 5 бірлік техникасы оқиға орнына жеткен кезде 16 қабатты көппәтерлі тұрғын үйдің 15-қабатынан қою қара түтін шыққаны анықталған.

«Кіреберісте қатты түтін шығып, адамдар эвакуацияланды. Алдын ала болжамға сәйкес, өрт шыққан пәтерде ешкім болмаған. Жалын шарпыған аумақ 30 шаршы метрді құрады. Сағат 15.18-де өрт толығымен сөндірілді. Зардап шеккендер мен қаза тапқандар жоқ», - деді департаменттен.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар