Оқиғалар 21.01.2021 сағат 07:25

Қарағандыда екі жігіт қыз үшін төбелесіп, біреуінің жыныс мүшесі зақымданған

Тергеу мәліметінше, ер адам қолмен ұрып ғана қоймай, аяғымен тепкен.
Қарағандыда екі жігіт қыз үшін төбелесіп, біреуінің жыныс мүшесі зақымданған
фото: pixabay.com
Бөлісу
Бөлісу
Бөлісу

Қарағандыда екі ер адам қыз үшін төбелесіп қалды. Кикілжің барысында жәбірленушінің денесіне қатты зақым келген, деп хабарлайды kznews.kz Қазбек би аудандық сотына сілтеме жасап.

Екі қарағандылық Гоголь көшесінде орналасқан көпқабатты үйлердің бірінің алаңында төбелесіп қалған. 38 жастағы ер адам мен 19 жастағы жігіт бір қызды бөлісе алмаған. Нәтижесінде жас жігіт бірінші болып қол жұмсайды. Бұдан кейін екіншісі оны аямай соққыға жығады.

Тергеу мәліметінше, ер адам қолмен ұрып ғана қоймай, аяғымен тепкен. Сот-медицина сараптамасы жас жігіттің жыныс мүшесіне ауыр зақым келгенін анықтады.

«Сондай-ақ, оның қас доғасы жарақаттанып, тырнақ фалангасы сынғаны белгілі болды», — делінген іс материалдарында.

38 жастағы ер адамның үстінен ҚР ҚК («Кісі денсаулығына әдейі зақым келтіру») 106-баптың 1-тарауы бойынша қылмыстық іс қозғалды.

Іс Қазбек би аудандық сотында қаралды. Ер адам кінәсін толықтай мойындады. Шын жүрекпен өкінгені үшін сот оның бас бостандығын тек 3,5 жылға шектеді.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар