Оқиғалар 03.02.2021 сағат 09:40

Алматыда көлік жөндейтін орталықта 20-ға жуық көлік жанып кетті (ВИДЕО)

Зардап шеккен ешкім жоқ.
Алматыда көлік жөндейтін орталықта 20-ға жуық көлік жанып кетті (ВИДЕО)
Фото: видеодан скриншот
Бөлісу
Бөлісу
Бөлісу

Алматыда көлік жөндейтін орталық өртеніп, 20-ға жуық көлік жанып кетті, деп хабарлайды Skifnews.kz ақпарат порталы.

Алматы қаласы төтенше жағдайлар департаментінің мәліметінше, 2 ақпан күні кешкі 21:52 шамасында Бостандық ауданы Сәтпаев көшесі, 139 мекенжайында орналасқан көлік жөндейтін орында өрт шыққаны туралы хабарлама келіп түскен.

Өрт сөндірушілер оқиға орнына жеткенде тілсіз жаудың жан-жағындағы өзге де нысандарға жайылу қаупі бар екенін анықтады.

Соңғы мәліметке сенсек, 20 автокөлік жанып кеткен. 4 автомобильге ыстық жалынның әсерінен зақым келген. Тағы 15 машина эвакуацияланған. Жалын шарпыған аумақ - 600 шаршы метр. Ал ғимараттың жалпы аумағы - 1300 шаршы метр.

Түнгі 23:09 кезінде өрт ауыздықталып, 23:47 кезінде толық сөндірілді.

От көлік жөндейтін нысанның жанында орналасқан жанармай құю бекетіне жайылмады.

Зардап шеккен ешкім жоқ. Өрттің шығу себебі анықталып жатыр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар