Оқиғалар 25.02.2021 сағат 02:20

Павлодарда ер адам оқушы қызды теуіп құлатқан

"2000 теңге сыйлыққа" деп істі жылы жауып қоя салмақ болған.
Павлодарда ер адам оқушы қызды теуіп құлатқан
Бөлісу
Бөлісу
Бөлісу

Павлодарда ер адам 13 жастағы оқушы қызды ұрып жықты, деп хабарлайды Stan.kz.

Оқиға сол маңайдағы бейнебақылау камераларына түсіп қалған. Желіде таралған бейнежазбада ер адамның оқушыны жерге құлатып, теуіп-теуіп жібергені көрінеді. Куәгерлер сол мезетте полиция шақырған. 

"Оқиғаға қатысы бар адамдардың барлығы полиция бөлімшесіне жеткізіліп, іс тіркелді. Кәмелетке толмаған қыздың ата-анасы да шақыртылды. Кейіннен ер азамат бен жеткіншек сөзге келіспей қалған, оның арты осындай жағдайға алып келгені анықталды", - деді Павлодар облысының ПД өкілдері. 

Қазір сот сараптамалары тағайындалған, тергеу нәтижесі сараптамадан кейін шығады. 

Жәбір көрген қыздың ата-анасы аталмыш жағдай жайлы пікір білдірді. 

"Менің қызымның сол күні туған күні еді. Ол құрбысымен бірге дүкенге азық-түлік алуға кірген. Кезекке тұрған, жұдырық ала жүгірген азамат қыздардан кейін кезекте болыпты. Қыздар сөйлесіп тұрса, ер азамат маған дөрекелік жасадың деп, қызыма қолын сермеген. Бұдан қорыққан қызым далаға жүгіріп шығыпты", - дейді оқушының анасы Валентина Горобец. 

Сөзінше, ер азамат қызды басқа біреу екен деп ойлап қалған. 

"Баламды ұрған азамат әйелімен келіпті. Әлгі келіншек қызыма 2000 теңге сыйлыққа деп ұстатып, істі жылы жауып қоя салмақ болған. Ер азаматтың өзі болса, қызымды басқа біреу деп ойлап қалғанын айтады. Бұл не сұмдық? Көшеде жайбарақат кетіп бара жатқан баланы ұрып тастауы мүмкін болып тұр ғой. Біз ол адамды жазалануын талап етеміз", - деп қосты Валентина Горобец. 

Бұған қоса, ол көшеде адамдар қызды ұрып жатқанын көре тұра, өтіп кеткенін жеткізді. 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар