Оқиғалар 04.03.2021 сағат 16:00

Шенеуніктің ұлы «алаяқтық жасады» деп айыпталды

Ол екі жыл бұрын Алматыда көкөніс сататын кәсіп ашатындығын айтып, оны жобаға инвестиция салуға шақырған.
Шенеуніктің ұлы «алаяқтық жасады» деп айыпталды
фото: pixabay.com
Бөлісу
Бөлісу
Бөлісу

Елорда тұрғыны Алтынай Үсенова Сенаттың бұрынғы аппарат жетекшісі, қазір Орталық сайлау комиссиясының мүшесі Серік Сыдықовтың баласына шағымданды, деп хабарлады paryz.kz, 31 арнаға сілтеме жасап. 

Ол жас жігіт алаяқтық жолмен өзінен 257 миллион теңге алғанын айтады. Істі полиция тексеріп жатыр. Бірақ әйел алаяқтың туысы әділдікке жетуге мүмкіндік бермейді деп отыр. 

Алтынай Үсенова сотқа дейінгі тергеу барысын бақылау үшін Алматыға келуге мәжбүр болған. Күдікті Олжас Сыдықов - оның танысы.

Алтынайдың айтуынша, екі жыл бұрын ол Алматыда көкөніс сататын кәсіп ашатындығын айтып, оны жобаға инвестиция салуға шақырған. Осы сәттен бастап Алтынай өзінің мүлкін сатып, Олжасқа ақша берді. Күдікті Олжас Сыдықов - Сенаттың бұрынғы аппарат жетекшісі, қазір Орталық сайлау комиссиясының мүшесі Серік Сыдықовтың ұлы.

«Ол қамауға алынып, тергеу абақтысына қамалды. Үш айдан бері мен әділдікке жете алмай жүрмін. Осы уақытқа дейін бірде-бір шоты бұғатталып, мүлкі тәркіленбеді», - дейді жәбірленуші Алтынай Үсенова. 

Алматы қаласының полициясы «Аса ірі алаяқтық» бабы бойынша қылмыстық іс қозғады. Ол қолма-қол 257 миллион теңге алған. Алтынайдың айтуынша, Олжас Сыдықов 5 жалған компания құрып, бизнесті алға жылжыту үшін келісімшарттар берген. Тек инвестициядан қайтарым болған жоқ дейді Алтынай. Жәбірленуші одан ақшасын қайтаруды сұрайды. 

«Мұндай нәрсе жоқ. Мен ешкімге жүгінген жоқпын. Ол - ересек адам, өз іс-әрекеті үшін өзі жауап беретін қабілетті азамат. Біз тергеуді күтеміз. Егер оның кінәсі болса, жаза тағайындалады. Мен не істей аламын?» - дейді Орталық сайлау комиссиясының мүшесі Серік Сыдықов.

Полиция бұл іс тергеліп жатқанын және келесі аптада сотқа жеткізілетінін айтты. 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар