$ 443.44 € 480.51 ₽ 4.88
«Қазақалтын» тау-кен металлургия комбинаты» АҚ-на тиесілі катодты алтынды ұрлау оқиғасы бойынша қылмыстық істі тергеуде, деп хабарлайды ҚазАқпарат.
Ақмола облысының Полиция департаментінің баспасөз қызметінің мәліметінше, ұрлық биылғы наурыздың 3-іне қараған түні болған. Бұдан кәсіпорынға 122 миллион теңге залал келген.
«Осыған байланысты Қылмыстық кодекстің 188-бабы 4-бөлігі «ұрлық» бойынша сотқа дейінгі тергеу шаралары жүргізілуде», - деді ведомстводан.
Осы ретте, аталмыш қылмысқа қатысы бар адамдарды анықтау үшін криминалдық полиция мен тергеудің тәжірибелі қызметкерлері қатарынан арнайы жедел-тергеу тобы құрылды.
«Тергеу мүддесіне байланысты өзге ақпараттар жарияланбайды», - деп толықтырды ведомстводан.
