Оқиғалар 07.07.2021 сағат 17:20

«Анашым, рөлге неге отырдың?»: Ақмолада болған жол апаты көпшіліктің көңілін босатты

Жол апаты 6 шілде күні сағат 13:46-да Нұр-Сұлтан – Петропавл тас жолының 194-шақырымында болған.
«Анашым, рөлге неге отырдың?»: Ақмолада болған жол апаты көпшіліктің көңілін босатты
Бөлісу
Бөлісу
Бөлісу

Ақмола облысындағы тас жолда жол апаты болды. Жол-көлік оқиғасы орнында түсірілген видео желіде тарады. Бұл жайтқа қатысты өңірлік полиция департаменті пікір білдірді деп хабарлайды Stan.kz. 

Желіде тараған видеодан аударылып қалған көлік пен көмек көрсету үшін жүгіріп бара жатқан куәгерлерді байқауға болады. Сондай-ақ кадрдан «Анашым, рөлге неге отырдың?», деп айқайлаған қыз баланың дауысы естіледі.

Белгілі болғандай, көлік рөлінде 48 жастағы әйел отырған. Бұл видеоға қатысты Ақмола облысының полиция департаменті пікір білдірді. Ведомствоның мәліметінше, жол апаты 6 шілде күні сағат 13:46-да Нұр-Сұлтан – Петропавл тас жолының 194-шақырымында болған. Toyota RAV4 көлігін басқарған 48 жастағы елордалық әйел Көкшетауға қарай бара жатып, алдыңғы дөңгелектен шыққан ақаудың салдарынан тізгінге ие бола алмай, көлік аударылып қалған.

Жарақат алған 9 жасар қыз бала мен кеуде қуысының жарақатын алған 48 жастағы әйел ауруханаға жеткізілген. Көлік жүргізушісіне қатысты Әкімшілік құқықбұзушылық кодексінің 610-бабы, 1-бөлігіне (Адам денсаулығына зиян келтіретін, көлік құралдарына немесе басқа мүлікке зиян келтіретін жол ережелерін бұзу) сәйкес әкімшілік хаттама толтырылған. 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар