$ 445.66 € 474.58 ₽ 4.78
Қызылорда қаласының тұрғыны тапа-тал түсте көшеде танысын атып кетті, деп хабарлайды Sputnik.kz.
Оқиға қаланың сол жағалауындағы көпқабатты үйлердің алдында болған. Күдікті – 56 жастағы азамат. Ол атыс қаруымен 43 жастағы әйелді жарақаттап, қашып кеткен. Бірақ жедел іздестіру барысында көп ұзамай қолға түсті. Айғақ заттар тәркіленді.
"Қылмыстық кодекстің 14-бабының 3-бөлігі, 99-бабының 1-бөлігі бойынша тергеп-тексеру жұмыстары жүргізіліп жатыр", - дейді Қызылорда қалалық полиция басқармасы тергеу бөлімінің бастығы Рақымжан Сұлтанқұлов.
Оқ жәбірленушінің сол жақ жамбасына тиген. Ішкі мүшелері зақымданған. Қалалық аурухананың жансақтау бөлімінде жатыр. Дәрігерлердің айтуынша, жағдайы ауыр.
