$ 445.66  474.58  4.78

«Жылап мазамды алды»: Жаркенттегі сәби өлімі туралы тың дерек шықты

6 жасар бала өзінің 3 айлық қарындасын үш жерден пышақтап тастаған.
фото: ашық дереккөзден
фото: ашық дереккөзден

Жетісу облысындағы Жаркент қаласында 6 жасар бала қарындасын пышақтап тастады деп хабарлады облыстық полиция департаментінің баспасөз қызметі.

Оқиға 10 қаңтарда болған. 6 жасар бала өзінің 3 айлық қарындасын үш жерден пышақтап тастаған. Алған жарақатынан нәресте көз жұмды.

Қыз төрт ұлдан кейінгі отбасының көптен күткен баласы болған. Үлкен екі ұл студент. Анасы үшінші ұлын мектепке алып кетіп, үш айлық нәресте мен 6 жастағы төртінші ұлын үйге тастап кеткен. «Неге бұлай істедің?» деген сұраққа 6 жастағы бала «ол жылап мазамды алды» деп жауап берген. Баланың ешбір психикалық ауытқуы жоқ, бірінші сыныптың оқушысы.

«Жаркент қаласында жаңа туған балаға пышақ жарақатын салу фактісі бойынша сотқа дейінгі тергеп-тексеру басталып, қажетті сараптамалар тағайындалды. Қылмыстық істі облыстық полиция департаменті ерекше бақылауға алды. Өзге ақпарат қылмыстық іс жүргізу кодексіне сәйкес жария етілмейді», – деп мәлімдеді Жетісу облыстық ПД баспасөз қызметі.

turkystan.kz

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары