$ 443.44 € 480.51 ₽ 4.88
Бүгін сағат 16.35-те Павлодар қаласында Бауыржан Момышұлы атындағы №22 мектептің бірінші қабатындағы бөлме отқа оранды, деп хабарлайды inbusiness.kz .
Қалалық білім беру бөлімінің мәліметінше, оқиға орнынан дереу 542 адам эвакуацияланды. Оның ішінде 493 бала – екінші ауысым оқушылары.
Облыстық төтенше жағдайлар департаменті өрт бірінші қабаттағы электрқалқандағы қысқа тұйықталудан шыққанын хабарлады.
Өрт сөндірушілер жарты сағат аралығында отты толықтай ауыздықтады. Оған жеке құрамның 29 қызметкері мен 8 техникасы жұмылдырылды.
Айта кетелік, аталмыш оқу орны өткен жылы "Заманауи мектеп" өңірлік бағдарламасы аясында жаңартудан өткен еді.
