Абай облысында монша кешені өртеніп, екі ер адам зардап шекті, деп хабарлайды Sputnik.kz. 10 ақпан күні кешкі сағат 7 шамасында Қаржаубайұлы көшесінде монша кешенінен өрт шыққаны туралы хабар түскен. Газгольдердің жеке тұрған үй-жайында газ ағып, жақын маңдағы жалпы ауданы 75 шаршы метр қазандыққа таралған. "Өрт кезінде екі ер адам зардап шекті. Өрттің себебі анықталып жатыр", - деп хабарлайды ТЖМ баспасөз қызметі. Өртті сөндіруге 8 бірлік техника мен жеке құрамның 27 адамы жұмылдырылды.