«Жанымда болған айғырымсың»: Әнші Бүркіттің қарындасы Гелендваген алу үшін елден ақша жинап жатыр

Блогер, әнші Бүркіттің қарындасы Әсел Асқар Gelendvagen көлігін алуға сбор ашып, 1 күнде 2,5 млн теңге жинаған, деп хабарлайды Caravan.kz медиа-порталы.

Алайда, оның бұл әрекеті халықтың ашуын тудырған сияқты. «Гелик аламын. Тезірек жинауымыз керек» деп қуанған Әсел Асқарды желі қолданушылары әбден сынауда.

«Кеше ғана менің гелигіме сбор ашқан едім. Бір тәулік өткен жоқ ақша жинап жатырсыздар. Мен шоктамын! Маған бір жігіт Гелик сатамын деп жазды. Бұл да тағдыр шығар. Мүмкін алдын ала төлем қалдырып кететін шығармын. Жақында гелик алып қалатын шығармын. Бірақ, бұл үшін тезірек жинауымыз керек», ― дейді ол.

Және «Әп сәтте ғашық болдым. Ұмыта алмастай сен менің арманымсың! Жанымда болған айғырымсың, Жаным менің геленім! Арманымды жүзеге асыруға көмектесші», деп банк шотын қалдырыпты.

Бұл видеоны көрген жұрт «Мәдениетті қайыршы», «Біреуге жан, біреуге мал қайғы», «1 теңге де бермес едім», «Жетпегені осыларға машина алып беру» деген пікірлерін жазуда.