Қытайдың танымал әншісі Димаш Құдайбергенді қонақ қылып, халал тұшпара әзірлеп берді

Тан Цзин қазақ әншісіне сиыр етінен әзірленген "халал" тұшпара пісіріп беріпті. Тіпті, асханасына кіргізіп, тұшпараны бірге түюге де мүмкіндік берген.

- "I am Singer" жобасында көп таныс, достар таптым! Әр бір танысымның ыстық ықыласы, маған деген ниеті ерекше көңіл-күй сыйлайды. Қарсыласым болса да, қонақжайлығын көрсетіп Тан Цзин Бейжіңдегі үйіне қонаққа шақырды. Тан Цзин қытайдың атақты әншісі, көптеген xалықаралық байқаулардың жеңімпазы! Ата-анасы да өнерден ауылы алыс емес. Дастарxан барысында бірге ән шырқап, әдемі тілектер айтып, қызықты әңгіме-дүкен құрдық. Менің xалал тағам ғана жейтінімді білген Тан Цзиннің анасы сиыр етінен дайындалған түшпара дайындады. Тіпті, бір-екеуін өзін де істеп көр деп ұсыныс білдірді. Әрине, менен мықты аспаз шықпас, бірақ қолымнан келгенше тырыстым! Тан Цзиннің отбасы, ата-анасымен танысқаныма қуаныштымын, керемет жандар! Десек те, өз Анамның дайындайтын тамақтарын сағынып кеттім, - деп жазды Д.Құдайберген өзінің әлеуметтік желідегі парақшасында.

Айта кетейік, қазақ әншісі осынау тележоба арқылы қытайлық миллиондаған көрерменнің жүрегіне жол тапты. Тележобаның үш байқауының қорытындысында ол көш бастап тұр.