$ 443.37 € 474.49 ₽ 4.83
Актриса Жұлдыз Әбдікәрімова жақында өзіне ота жасалғанын айтты. Бұл туралы ол Instagram желісінде мәлімдеген, деп жазады Skifnews.kz ақпарат порталы.
Анықталғандай, Жұлдыздың тіл жүгеншегі қысқа болып шыққан.
Айтайын дегенім мынау ғой, өткенде тісімді емдетпек болып, дәрігерге бардым. Аузымды әбден шұқып болып, түрі бұзылып кеткен дәрігер "…сізбен біздің бас хирург сөйлеседі" - деді. Тісіме хирургтың қатысы қанша деп таңдандым. Сөйтсем, менің тілім қысқа екен. 35 жыл неге үн қатпай, көп нәрсеге шыдап келгем десем. "…шешім біреу, тіліңізді ұзарту керек"- деді. (подрезание уздечки языка) Сөйтіп, хирургтың столынан бір-ақ шықтым. Ойбайлатып, сүйегі жоқ қызыл тілді кесті де ұзартып берді. Енді менің де тілім ұзын, - деп жазды ол.
