Мадияр Серікбаев әйелімен қалай танысқанын айтты (ВИДЕО)

"Өнер қырандары" театрының актері Мадияр Серікбаев  "Қызық Times" бағдарламасына қатысып, жұбайымен қалай отау құрғанын айтты, деп хабарлайды  Skifnews.kz  ақпарат порталы.

Оқуға түсемін. Топта староста боламын. Дананың анасы келіп, бәрімізге бәліш әкеледі. "Бәрің баламдайсыңдар" дейді. Дана ол кезде 17 жаста. Топтың ең кішкентайы. Содан анасы "Мадияржан, сен старостасың ғой. Қызымды саған тапсырайыншы. Өзі кішкентай. Өзі аңқау. Сен қарап жүр" деп маған тапсырды, - деді әзілкеш.

Өнер иесі бірінші курсты аяқтаған бойда әйелі Данаға құда түсіп барғанын да жасырмады.

Сосын бірінші курсты бітіргенде құда түсіп бардым. Сол кезде анасы "Мен саған қарап жүргенде, бұлай қара демедім" дейді. Мен "Сөзімде тұрып, соңына дейін қараймын, - деп күлді Мадияр Серікбаев.