$ 450.61  488.91  4.97

«Ер-азамат – сіздің піріңіз»: Гүлзира Айдарбекова отбасыларға кеңес берді

«Өмірдің мәні күйеуді биіктетуден басталады».

Фото: @gulziraaidarbekova
Фото: @gulziraaidarbekova

Отандық продюсер, медиаменеджер Гүлзира Айдарбекова жаңа жылдан кейін шетелге демалуға аттанды, деп хабарлайды Skifnews.kz ақпарат порталы.

Бұл жолы өнер иесі жалғыз өзі демалуды жөн көрген. Жары Нұртас Айдарбеков елде қалған көрінеді, деп жазды Stan.kz.

Былтыр Нұрекеңмен екі мәрте Түркия елінде қыдырып едік. Теңіздің жағасында керемет демалып едік. Бұл жолы Вьетнамға жалғыз келдім. Жалғыздық тек Құдайға ғана жарасқан. Жұбымыз жанымызда болса ғана бәрі әдемі болады. Алла өмір берсе, әлі талай елді аралаймыз. Вьетнам елінің тамағы Нұрекеңе ұнамайды, “ол жақтың тамағын жей алмаймын” деп қалып қойды, – дейді продюсер. 

Сондай-ақ өнер иесі жұбымен бірге көбірек саяхаттауды насихаттайтынын жеткізді.

Кейде уақыт салып, бір-бірінен алыстап бөлек саяхаттаған да дұрыс. Бірақ ұзақ уақытқа емес. Сағыныш деген ол да керемет сезім. Шетелге бармаймын, өзің бара бер дейтін Нұрекеңді екі жылда қаншама жерге баруға көндіріппін. Германиядан бастап, Америка асыппыз. Нью-Йорк, Чикаго, Майами қалаларына саяхаттадық. Бәрі Гүлекеңнің арқасы болып тұр ғой. Ер-азаматты өзіңе деген махаббатыңа қарай көндіре беруге болады. Тек көңілге кір салмайтын жақсы дүниелер болса жетіп жатыр. Нәтижесін көргеннен кейін, сізді мойындайтын болады. Бірінші орынға өзін, күйеуін екінші орынға қою – қателік. Өмірдің мәні күйеуді биіктетуден басталады. Ер-азамат – сіздің піріңіз, – деп кеңес берді Гүлзира Үсенқызы. 

Сіздің реакцияңыз?
Ұнайды 0
Ұнамайды 1
Күлкілі 0
Ашулы 0

Серіктес жаңалықтары