Бұдан бөлек, Аида Кауменова отбасы, ата-анасы туралы сыр шертті.
Танымал дизайнер Аида Кауменова «Жұлдызды шаңырақ» бағдарламасында жұрт білмейтін құпиясын айтты, деп хабарлайды Skifnews.kz ақпарат порталы.
Отандық киім дизайнерінің айтуынша, оның бойында үш ұлттың қаны бар.
Бала кезімде бір апам орыс, екіншісі қазақ болатын. Орыс апамның қолына барсам, орысша сөйлеп кететінмін, кейін қазақ апама келсем, үндемей отыратын едім. Содан олар «мына қызды енді ешқайда жібермеу керек, үндемей қалыпты» деп әзілдейтін. Негізі бойымда үш ұлттың қаны бар, яғни беларусь, татар, қазақ, - деді ол.
Бұдан бөлек, Аида Кауменова отбасы, ата-анасы туралы сыр шертті.
Әкемнің мамандығы – экономист. Өте мықты адам, менің мінезім әкеме ұқсаған. Әкем мен анам Алматыда кинотехникумда бірге оқыған, алғашында дос болып араласып жүрген. Бір күні әкем анама «Лариса, сені анаммен таныстыру үшін ауылға апарғым келіп отыр» деп айтқан, анам ол кезде қазақтың ешқандай салт-дәстүрін білмегендіктен, келісіп, ауылға барыпты. Содан ауылдағы үйге кіргеннен туыстар шашу шашып, ақ орамал жапқан. Анам көніп, қалыпты. Анам ұлты басқа болғанымен, қазақ тілінде бізден жақсы сөйлейді, - деді дизайнер.