«Қытай тілін оқымадым»: Ләйлә Сұлтанқызы өмірдегі өкінішін айтты

Танымал тележүргізуші Ләйлә Сұлтанқызы әлеуметтік желідегі парақшасында үлкен өкініштерін тізіп жазып шықты, - деп хабарлайды Skifnews.kz ақпарат порталы. 

Тележүргізуші жас кезінде білімді көбірек алмағанын айтып, өзгелерге өзінің қателігін жасамауды өтінді.

"Менің үлкен өкінішім…

Шүкір, 25 жасымда бірініш рет шетелге шықтым (біреу үшін ерте, біреу үшін кеш болар).
Шүкір, әке-шешем оқытты, тоқытты.
Шүкір, 30-ға таяған шағымда тұрмысқа шығып, қазір 2 ұлдың анасымын.
Тірі жүріп, құдай ғұмыр берсе, жүрек қағысы дұрыс болса, әлі талай дүниені көріп, бастан өткізермін. Алға қойған мақсат/армандарымыз тағы бар дегендей…
Өкінішім, қытай тілін ары қарай дамытып оқымағаныма, қазір миыма кірмейді (сылтау да болар бәлкім)
Өкінішім, жас кезде көбірек оқуым керек еді. Білімге аямай инвестиция жасағанымда ғой… Әттеген-ай… Қазір уақытым мен мүмкіндігім, ресурсым да аздау сияқты. Отбасының, балалардың қамы бірінші орында.

Мен сияқты өкінбес үшін, сіңілдеріме оқыңдар десем, әпкелеріме баланың біліміне бар күшіңді жұмса дер едім. Білімге салған инвестиция еселеніп қайтады…", - деп жазды ол.