«Үзеңгілес болып келе жатырмыз»: Дана Нұржігіт пен Қайрат Нұртас ерекше видео жариялады

Танымал журналист, экс-сенатор Дана Нұржігіт эстрада жұлдызы Қайрат Нұртаспен жолығып қалып, өткен күнді есіне алды, деп хабарлайды Skifnews.kz ақпарат порталы. 

БАҚ өкілі кезінде өзі жүргізген бағдарламаның шымылдығы өнер иесіне арналғанын да айтып өтті. 

“Есейіп кетіпті. Баяғыда "Даражол" бағдарламасын Қайратпен бастағанбыз. Құрметті көрермендер, оқырмандар, балаларымыз бір сыныпта оқиды. Осылай өмірде үзеңгілес болып келе жатырмыз", – деді тележүргізуші. 

Өз кезегінде өнер иесі де журналистке құрмет көрсетіп, тілеулес болды. 

“Мен өзіміздің сүйікті анамызды көріп қалдым. Дана апай, атақты, мықты журналист. Рақмет сізге. Мына өмірде сіздей жан болғанына мен қатты қуанамын. Бақытты болыңыз, отбасыңызға береке тілеймін. Сізді ерекше сыйлаймын. Біздің отбасы тек сізді қарайды, тек сізді тыңдайды. Аман болыңыз", – деді Қайрат Нұртас.