"Қазақстанның ақпарат саласындағы заңнамасында телеарналардың басты қағидаты болуға тиісті "ұлттық құндылықтарды сақтау", "дәріптеу", "насихаттау" деген ұғым-түсінік жоқ", - деді Дана Нұржігіт.
Сенат спикері Мәулен Әшімбаев заңдарды халыққа жеткізу проблемасы өте өзекті екенін айтып, күзге қарай осы мәселе бойынша арнайы үкімет сағатын ұйымдастыруды ұсынды.
Жоғарыдан қаржы бөлінгенде, жергілікті әкімдіктер «алыңдар да, алыңдар» дейді. Бірақ, тұрғындар бұл несиені алған соң оны қалай пайдаланған тиімді екенін білмейді.
«Ал үкіметке қандай есеп бересің? Қалай есеп бересің?» десе, көршінің бұзауын әкеліп, көрсете саламын деп ақшаны далаға шашқан болып шығады», - дейді Нұржігіт.