«Дайындықты бастап кеттік»: Ақбота Керімбекова сүйінші жаңалығын айтты

Біздер намысқой адамдармыз ғой, еңсемізді жаншып, басқысы келген сайын биікке ұмтыламыз!

Фото: instagram.com/botakerim

Белгілі әнші Ақбота Керімбекова желтоқсан айында концерт беретін хабарлады, деп хабарлайды Skifnews.kz ақпарат порталы.

Әнші Ақбота Керімбекова бұл туралы әлеуметтік желідегі парақшасында жариялады.

«2 желтоқсанда Астананың Филармония залында (конгресс хол)өтетін ән кешіме дайындықты бастап кеттік. Жанды дауыс, жанды дыбыс, бэк-вокал, jazz-band секілді шығармашылық ұжымдар қызу жұмысқа кірісті. Біздер намысқой адамдармыз ғой, еңсемізді жаншып, басқысы келген сайын биікке ұмтыламыз, өйткені, өмірдің өзі бізді солай тәрбиелеген. Қыстың алғашқы күндеріндегі концертте жүздескенше, Қазақ музыкасына адал талғамы биік тыңдарман», – деді Ақбота Керімбекова.