«Түбі реттейтін де сол бір Қайрат»: Айдарбекова үйі үшін соттасып жүрген Жұлдыз туралы айтты

Отандық танымал продюсер Гүлзира Айдарбекова желіде ұлын сынап жатқандарға жауап беріп, келіні Жұлдыз Әбдікәрімоваға қатысты жағдайға пікір білдірді. Оқырмандар келіншегі үйі үшін соттасып жатқанда өзіне салоннан қымбат көлік сатып алған әншінінің әрекетін қызу талқылауда, деп жазады Skifnews.kz ақпарат порталы.

Қайрат Нұртас көпшілікке су жаңа темір тұлпарын көрсетемін деп елдің сынына ұшырады. Оқырмандардың бірі оған көлік алғанша, бала-шағасына үй әперуді ұсынған.

"Машина ала бергенше, бала-шағаңа үй алып берсеңші", - деп жазды желі қолданушысы.

Бұл пікір Қайрат Нұртастың анасы Гүлзира Айдарбекованың ашуына қатты тиген. Белгілі продюсер оқырманға бірден жауап беріп, орын алған жағдайға қатысты пікір білдірді.

"Үйін де алып беретін өзі, бағатын да өзі. Алып берілген үй алаяққа кетсе, Жұлдыз да қарап отырған жоқ, жас емес ретін іздеп қайтарып алуға тырысып жатыр. Оған сенің тұмсығың қисаймасын. Ол да өз қателігін жөндеп көрсін, бәрі де Қайраттың еңбегімен келген дүние. Сен алып бермейсің ғой, түбі реттейтін де сол бір Қайрат. Көрсін соңына дейін барып, болмаса қарап қалмас", - деп жазды Айдарбекова Instagram желісінде.