Сіздің де ұлдарыңыз батырлар қатарынан болсын.
Футболдан Қазақстан ұлттық құрамасы мен стамбұлдық "Бешікташ" клубының жартылай қорғаушысы Бақтиер Зайнутдинов айтыскер ақын Айнұр Тұрсынбаеваның үйінде қонақ болды, деп хабарлайды Skifnews.kz ақпарат порталы.
Айнұр Тұрсынбаеваның Instagram желісіндегі ресми парақшасына жариялаған видеодан футболшыға ет асып, ыстық ықыласпен қарсы алған шаңырақ иелері оған арнайы сый-сияпат табыстағанын көруге болады. Өз кезегінде Бақтиер де үйдегі балалармен кездесіп, олардың жейдесіне қолтаңбасын қойып, бірге естелік суретке түсті.
"Шетелде қазақтың туын көкке көтеріп жүрген батыр ұлы Бақтиер қара шаңырағымызға қонаққа келді. Сіздің де ұлдарыңыз батырлар қатарынан болсын", - деп жазды Айнұр Тұрсынбаева.