Қазақта «Ер адамның анасына деген құрметі – әйеліне деген махаббатының айнасы» деген нақыл сөз бар.
Танымал әнші Төреғали Төреәлінің қарындасы, коуч әрі психолог Фариза Төреәлі күйеуі Дархан Нортаевтың енесіне бағалы брендтің сағатын сыйға тартқанын әлеуметтік желіде бөлісті, деп хабарлайды Skifnews.kz ақпараттық порталы.
Фариза күйеуі Дарханға алғысын білдіріп, жазба қалдырды. Бейнежазбада күйеу баласы екі анасына да қымбат сағат сыйлағаны көрсетілген.
«Анаға сыйлық – жүректен. Бүгін менің жүрегім ерекше сезімге толы, себебі менің күйеуім екі анамызға да шынайы құрметпен сыйлық жасады. Бұл жай сыйлық емес, жүректен шыққан алғыс, махаббат пен құрметтің белгісі. Ана үшін баласының жылы сөзі де үлкен сый. Бірақ ер адамның анасына деген құрметі – бүкіл отбасына береке әкеледі. Ана разы болса, Алла да разы болады. Қазақта «Ер адамның анасына деген құрметі – әйеліне деген махаббатының айнасы» деген нақыл сөз бар. Бүгін осы сөздің мәнін терең түсіндім. Жаным, екі анамызға жасаған сыйлығыңыз екі дүниеде еселеп қайтсын. Ризашылығыңыз бен баталарыңыз жолыңызды ашсын. Осы сәтте бір ғана тілегім бар: Алла біздің балаларымызға да ата-ана қадірін білетін жүрек берсін! Ата-аналарымызға ұзақ ғұмыр берсін», – деп жазды Фариза Төреәлі әлеуметтік желіде.
Айта кетейік, Дархан Нортаев – кәсіпкер, спортшы әрі джиу-джитсудан Азия ойындарының чемпионы.