Жолдасым олай айтса, оның өзіндік себебі бар деген сөз.
Көпшілікке «Сабиркин» лақап атымен танымал вайнер, блогер Сабира Жарасқызы күйеуінің сөзіне үнемі құлақ түретінін айтты, деп хабарлайды Sкifnews.kz ақпарат порталы.
«Менің әлемімде ер адамның орны жоғары. Ол бірінші орында. Егер ол маған бір жаққа бармайсың десе, мен бармаймын, ұнаса да бармаймын. Өйткені мені солай тәрбиеледі, ол менің өмірім, ол менің әлемім.
Менің қалауым осы. Әрине, біз ер адамды өзімізге серік етіп таңдағанда, бәрі орнымен болу керек. Кейбір ер адамдар шамадан тыс тыйым салып жатады. Мысалы, «демалма, тыныс алма» деген сияқты. Менің жолдасым олай айтса, оның өзіндік себебі бар деген сөз. Ол ешқашан себепсізден себепсіз олай айтып көрген емес. Ол айтады, егер сен сол жаққа баратын болсаң, мынадай жағдай болуы мүмкін, сен оны жүрекке жақын қабылдап, алаңдайтын боласың дейді», — деді блогер «Мамский әңгіме» подкастында.