«Құдай сақтасын дедім»: Атышулы Байзақованың енесі алғаш рет сұхбат берді (ВИДЕО)

Белгілі блогер әрі актриса Айжан Байзақова өзінің екінші күйеуі Нұрбек пен енесі Жаннамен бірге подкаст жазып, оқырмандарын қызықтырған сұрақтарға жауап берді. Бұл – олардың алғашқы отбасылық подкасты, деп хабарлайды Skifnews.kz ақпарат порталы.

«Бұл – біздің алғашқы подкастымыз. Көбіне оқырмандарымыздың сұрауы бойынша жазып жатырмыз. Сондықтан, бүгін сіздердің сұрақтарыңызға жауап береміз», – деді Айжан.

Подкаст барысында Айжан енесіне оқырмандар тарапынан ең көп қойылатын сұрақты қойды. «Келініңіз атышулы Байзақова болады дегенде қандай күйде болдыңыз?», деді Байзақова. 

Енесі Жанна бұл жаңалықты алғаш күйеуінен естіп, қатты қобалжығанын, тіпті интернеттен Айжан туралы ақпарат іздеп, есеңгіреп қалғанын жасырмады.

«Күйеуім Айжан туралы айтып, «екеуінің арасында бірдеңе бар» деді. Нұрбек бастапқыда «жай доспыз» деді, мен сеніп қалдым. Бірақ «Байзақова» деген фамилия ойымнан кетпей қойды. Интернеттен қарап, қатты қорықтым», – деді ол.