«Бүкіл әлемді қазақша сайратты»: Димаштың әнін шырқаған серб балалары елді тәнті етті (ВИДЕО)

Сербиядағы кішкентай балалар Димаш Құдайбергеннің жақында жарық көрген жаңа «Тау ішінде» әнін таза қазақша орындап, әлеуметтік желі қолданушыларын тәнті етті, деп хабарлайды Skifnews.kz ақпарат порталы.

Видеода балалар фортепиано сүйемелдеуімен қазақ тілінде ән айтып тұр.

Ән — Димаштың жаңа туындысы «Тау ішінде». Көрермендер видеоға сүйсініп, желіде кеңінен бөлісті

«Қандай ғажап! Балалар қазақ тілінде ән айтып отыр. Бұл — Димаштың әсері», «Бүкіл әлемді қазақша сайратқан Димашқа алғыс!», «Қазақ тіліне осылай ғашық болуға болады екен»,  «Димаш — қазақ мәдениетінің жаһандық елшісі», – деп жазды желі қолданушылары.