«Бәрі де ретімен, сәтімен»: Қызын қырқынан енді шығарған Жұлдыз Әбдікәрімова жұмысқа кірісті

Танымал актриса Жұлдыз Әбдікәрімова декреттік демалысының аяқталғанын айтты, деп хабарлайды Skifnews.kz ақпарат порталы.

Өнер иесі жақында Рабия-Сұлтанды қырқынан шығарған еді. 

“Декреттік демалыс бітті. Жүктілік басталған сәттен, барынша көзден тасаланып, жұмысты жинап қойып, назарым тек өз күйімде болғанын қаладым. Шүкір, Алланың қалауымен бәрі де ретімен, сәтімен, өзім жоспарлағандай өтті. Енді екеуміз де қырқымыздан шығып, буынымыз қатып, бір-бірімізге ризашылығымызды білдіріп отырмыз. Мен Рабия Сұлтанға қыдыруға, ол маған жұмысқа оралуыма рұқсат бердік. Демек, ресми жұмысқа кірістім деп айта аламын. Иә, жүктіліктің басында бұл қалай болады екен деп, абдырағанымыз рас. Әсіресе балалар түрлі эмоциямен қабылдаған еді. Жылады, күлді, ашуланды, көздері бақырайып үнсіз тұрды”, – деп жазды актриса.