«Жарасымды жұп»: Дариға мен Олжастың бұрынғы жұбайлары бірге көзге түсті (ВИДЕО)

Әлеуметтік желіде актриса Дариға Бадықованың бұрынғы күйеуі Дархан Мұсаев пен актер Олжас Абайдың экс-жары Аймира Аманның бірге жүрген видеосы тарады. Күтпеген кадр желі қолданушыларының қызу талқысына түсті, деп хабарлайды Sn.kz ақпарат порталы.

Желіде жарияланған видеодан екеуінің бірге жүргенін байқауға болады. Назар аудартқан тағы бір жайт – Дархан Мұсаевтың қолындағы гүл шоғы. Бұл көрініс көпшіліктің түрлі болжам жасап, әзіл аралас пікір қалдыруына себеп болды.

Бірі олардың болашақта шаңырақ көтеруі мүмкін екенін болжаса, енді бірі жағдайды үнді фильмдеріндегі оқиғаларға ұқсатқан.

«Енді осы екеуі үйленіп кетсе, қызық болады», «Үнді киносынан кем емес», «Күтпеген жұп болайын деп тұр ма?», «Бір сиырға бір қашар ауыстырып алды», «Мынау паталок болды енді. Әңгімелері жарасатын болып тұр ғой», «Кино болып жатыр, кино» деген пікірлер жазылған.

Әзірге Дархан Мұсаев пен Аймира Аманның арасындағы қарым-қатынасқа қатысты ресми ақпарат жоқ. Дегенмен олардың бірге түскен видеосы желіде қызу талқыланып жатыр.