Павлодардағы концерттен кейін басы дауға қалған Төреғали Төреәлі сол жағдайдан бері ел көзінен тасаланып кетті. Қашанғы көптен қашып жүрем десе керек, әнші бұл жолы Алматы көшелерін аралап, жұртпен суретке түсе бастады.
Тастақтағы гүл сататын дүңгіршіктердің бірінде Төреғалиді көрген жұрт онымен суретке түсуге асықты. Ал кейбірі, концерттегі сөзінен соң тіксініп қалса керек, оны сырттай ғана тамашалап тұрды.
«Есті жинап еңсені биіктеттім, Басымды сыйлағанға иіп кеттім. Жақсы көрген жандарға гүл алам деп, Гүл сататын жандарды сүйіп кеттім», – деп әнші Instagram-парақшасына осы сәттің видеосымен бірге 4 жол өлең жазды.