Әбдіжаппар Әлқожа өзін «өзбекстандық» дегендерге жауап берді

«Сауатты тыңдармандарымнан ұяламын! Қазіргі таңда Іnstagram желісінде статистикасын көтеру үшін өлуге дайындай тірлік істейтін парақшалар көбейді. Соның бірі @kaz_zhuldyz. Сен кімсің? Мынауың сенің алаяқтық қой», - деп жазған Әбдіжаппар өзінің расымен де Өзбекстан елінен келгенін, бірақ таза қазақ екенін тәптіштеп түсіндіреді.

Сондай-ақ, әнші «Жекпе-жек» телевизиялық жобасында «Әміре жеңіске жету керек еді» деген тыңдармандарға жауап қатты.

«Ол жерде ел сыйлаған ағалар-әпкелер болды. Мен жеңісті сатып алатындай, олар маған сатыла қоятында жандар емес. Әміре мықты әнші, талантына нұр жаусын. Бірақ "Жекпе-жек" конкурс емес, ол – шоу-бағдарлама. Ол жерде қызықты өнер мен қызықты пікірталас болады. Мен де жатып алып айта аламын конкурс болса жай ырғақты әндерді. Мен стилім қалыптасқан әншімін», - дей келе Әбдіжаппар өзінің Әміре секілді кең көлемдегі «конкурстық» әнші емес, тойдың әншісі екенін мойындады.