«Томирис» отандық тарихи фильмінің негізгі түсірілімдері аяқталды. Бұл туралы туындыда басты рөлді сомдайтын Альмира Тұрсын өз Instagram-парақшасында жазды. Актриса фильм режиссері Ақан Сатаевқа және түсірілім тобы мен каскадерлерге де алғысын жаудырды. «Томирис» фильмінің негізгі түсірілімдерін аяқтап бітірдік-ау. Мұндай тарихи фильмге түсу мен үшін бақыт. Барлығына шын жүректен алғысымды білдіремін. Түсірілім тобын құттықтаймын! Алдағы уақытта да жетістіктерге жете берейік», – деп жазды Альмира Тұрсын. Айта кетсек, фильмнің түсірілімі 2018 жылдың наурыз айында басталған болатын.
Фильмде ұлы Сақ патшайымы Тұмар, яғни Томиристің өмірі мен шайқасы көрсетіледі. Қоюшы-режиссер Ақан Сатаев тарихи туындының жыл соңына дейін түсіріліп бітетіндігін айтқан болатын.