Қарақат пен Қыдырәлі Астананың маңындағы ауылдан зәулім үй салғалы жатыр. Бұл туралы продюсер өз Instagram-парақшасында айтты.
«Біз Қарақат екеуміз үй салуға көптен бері жер іздеп жүр едік. Ауылдағыдай ауласы, алтыбақаны бар. Мына жақта бір-екі мал ұстап, мына жағына жусан егіп тастап отырсақ деген сияқты небір фантазияларымызбен үй салмақшы ойымыз бар. Ауыл сияқты өмірді аңсаймыз. Сол үшін өзімізге жақсы көрші іздейміз!», – дейді үйдің құрылысы жүріп жатқан жерде тұрған Қыдырәлі.
Желі қолданушылары жұлдызды жұпқа армандарының орындалуын тіледі. Алдағы күнде олардың қоныс тойларын тойлауына тілектес екендерін жеткізді.