Жәния Джуринская тұрмысқа шығу жайлы тағы да сөз қозғады

Танымал актриса Жәния Джуринская бұған дейін тұрмысқа шығатынын айтқан еді. Көпшілік күйеу баланың кім екенін білгісі кеп әр жазбасының астына сұрақ жазады. Джуринская осыдан шаршаса керек, отбасын құру туралы әңгімеге әзірге нүкте қойды.

«Сіздерге менің парақшамнан қарағанда Stories-ім қызық. Сол үшін парақшамды бір сілкіп алғым келді. Кейде тұрмысқа шығатынымды, жүкті екенімді айтып, сіздерді алдап тұрамын парақшам жандансын деп», – дейді актриса желідегі жазбасында.

Айта кетейік, Жәния Джуринская бұған дейін берген сұқбатында қалталылардың ашықтан-ашық жас әнші қыздарға тоқал болуға және төсекке шақыратынын айтқан еді. Тек продюсері Баян Алагөзова болған соң ғана көбісі аяқ тартады-мыс.