Қазақстан түсірген фильм кинофестивальдің бас жүлдесін жеңіп алды

Режиссер Георгий Овашвилидің «Жүгері алқабы» фильмі Карловы Варыда өткен Халықаралық кинофестивальдың бас жүлдесін жеңіп алды. Фильмді түсіруге Қазақстан, Германия, Грузия, Франция және Чехия елдері ат салысқан, деп хабарлайды Tengrinews.kz.

Психологиялық драмада 16-жасар қыз бен апасының Абхазия мен Грузия шекарасында жүгері алқабын тапқандығы туралы көрсетіледі. Фильмнің продюссерлерінің бірі — кинематографист Сайын Ғабдуллин. Айта кетейік, Карловы Варыда өткен 49-шы кинофестивальдың негізгі байқауына қазақстандық режиссер Нариман Түребаевтың «Оқиға» фильмі де кірген.

Аталмыш фильмді режиссер Федор Достоевскидің «Ақ түн» шығармасының желісі бойынша түсірген. Басты рөлде VIII Халықаралық «Еуразия» кионфестивалінде «Конвой» фильмінің арқасында ең үздік ер азаматтың рөлі атағын жеңіп алған Азамат Нығманов пен жас актриса Айнұр Ниязова ойнаған. Бірақ Карловы Варыдағы фестивалде бұл фильм жүлдеге ілінген жоқ.

Халықаралық кинофестиваль 1956 жылдан бері Чехияда жыл сайын өтіп тұрады. Байқаудың басты сыйлығы — «Хрусталь глобус».