Қырғыз елінде Асылхан Төлепов ең үздік актер атағын иеленді

«Сүйінші, ағайын! Жаңа ғана Қырғыз елінде «Время стойкиx. Көк-бөрү» фильмінде басты рөлді сомдағаным үшін «Жылдың ең үздік актеры» атандым. Қолдау көрсеткен барша жандарға алғысымды айтамын. Тәуелсіз еліміздің айбынды ұланы ретінде жеңісімді қазақ еліне арнаймын», - деп жазды актер.

Айта кетсек, Асылхан Төлепов «Жау жүрек мың бала» фильмі арқылы танымалдылыққа ие болған. 

Осы жылдың маусым айында Қазақстан мен Қырғызстан актерлерінің қатысуымен көкпар туралы фильм түсірілген еді. Кинокартина талантты көкпар ойыншысы, «Жалын» командасының капитаны Мақсат жайында баяндайды.