Мәдениет & Шоубиз 28.04.2019 сағат 11:29

Ержан Максимнің «Голос.Дети» шоуындағы жеңілісі көпшілік арасында дау туғызды

Қазақстандық Ержан Максим жеңіліс тапқаннан кейін «Голос.Дети» шоуының төңірегінде үлкен дау туды. Танымал ресейлік әнші Алсудың қызының жеңімпаз атануы және шоудағы дауыс беру нәтижелері көрермендер арасында ғана емес, сондай-ақ танымал жұлдыздар арасында қатты сыналуда, деп жазады Stan.kz

Ержан Максимнің «Голос.Дети» шоуындағы жеңілісі көпшілік арасында дау туғызды
Бөлісу
Бөлісу
Бөлісу

Әнші Алсудың және банкир Ян Абрамовтың қызының «Голос. Дети» шоуындағы жеңісі шоу-бизнес өкілдері мен көрермендер арасында әлі айтылуда. Олар конкурс қорытындысы әділетсіз және дауыс берудің нәтижелерінде алаяқтық болды дейді.

БАҚ-та Алсудың қызы оған дауыс беруді сұраған ресейлік эстрада жұлдыздарының арқасында жеңіске жетті деген ақпарат тарады. Атап айтқанда, «Комсомольская Правда жазғандай», Наташа Королева өзінің блогында Микеллаға дауыс беруді сұраған. Ал осы шоудың төңірегінде дау туғаннан кейін, әнші шын мәнінде, қазақстандық Ержан Максимнің жеңімпаз атануы тиіс екенін айтты. Сонымен қатар, ол желі қолданушылары жағымсыз пікірлерді қарша боратқан Алсудың қызын табаламауға шақырды.

«Ержан Максим жеңіске жетуі керек еді - бұл, нақты. Бірақ, біз мейірімді болайықта! Олар біздің балаларымыз. Оларға қатысты  соншалықты жағымсыз сөздер жазудың қажеті не?»,- деп жазған Наташа Королева.

Ал бірінші арнаның баспасөз қызметі журналистердің үндеуіне жауап ретінде, көрермендік дауыс беру барысында оператордың «кейбір ауытқулардың» бар екенін атап өтті.

Дегенмен, Ержан Максим байқауда жеңіліс тапқанымен, көрермендер оны белсенді түрде қолдауда.

«Жоба ұйымдастырушылары пікірлерді оқып, көрермендерді ашықтан-ашық жынды санауға болмайтынын түсінер деп сенемін. Бұл ұят! Жеңістің лайықты адамға берілмегені анық көрініп тұр... Тіпті балалар шоуын да бүлдірген. Жиіркенішті. Енді бұл шоуды қарамаспын»,- деген пікірлер жазған.

Ал Ержанның анасы Гүлмира Әлібек «Комсомольская правда» тілшісіне берген сұхбатында ұлының жеңілісті қалай қабылдағанын айтып берді.

«Ержан жеңіске жетпегеніне көңілсіз. Енді ештеңе жасай алмайсың», - деп түсіндірді Ержанның анасы. Сонымен қатар, финалистің анасы шоуға қатысты отбасының ешқандай шағымы жоқ екенін айтты.

Байқаудың әділетсіз өткенін алғаш болып танымал ресейлік әртіс Максим Галкин айтқан болатын. Әріптесінің пікірін ресейлік продюсер Иосиф Пригожин де қолдады. 

Ал, актер Станислав Садалский Алсудың қызының жеңісі туралы тіпті, қатаң пікір білдірді.

«Лукойл» мұнай магнаты Сафин Ралиф Рафиловичтің немересі, Алсудың қызы "Голос. Дети" байқауында жеңіске жетті және 1 миллион рубль жүлде алды... Оның жеңіске жетеніне кім күмән келтірді дейсің. Әрине, Алсудың қызының дауыс тембірі жаман емес және ол әнді жақсы айтады. Бірақ, ол жерде дауысы бұл қыздыкінен жақсы балалар болды. Олардың бәріне жаның ашиды. Бірақ, бұл – 1-арнадағы біздің көңілге тиерлік шындығымыз», - деді ол өзінің Instagram парақшасында.

Дауыс берудің нәтижесін қателік деп атаған әнші Валерий Меладзе де үнсіз қалмады.

«Дауыс бағдарламасы өтіп кетті, бірақ түйіткіл қалды. Нәтижелерді қайта қарау  жақсы іс емес, бірақ «Бірінші арна» мұны жасайды деп үміттенемін», - деді ол РИА «Новости» тілшісіне берген сұхбатында.

 

Оқи отырыңыз

загрузка...

Соңғы жаңалықтар

Қызықты материалдар