"Сіздер білмейтін Байзақова": атышулы Айжан танымал болу үшін қандай құрбандыққа барды?

Атушылы Айжан Байзақова өрімді бұрыммен түскен суретін жариялап, астына жазба қалдырды, деп жазады Skifnews.kz ақпараттық порталы.

Оның айтуынша, ол жалаңаштанғанға дейін қарапайым қазақтың бұрымды қызы болған. Әрдайым шашбаумен жүргенін айтып мақтанды. Ол тек танымал болғысы келгендіктен, шашбауынан бас тартқан.

"Менің өткенімді кім біледі дейсіз? Кезінде актриса болғым келіп, анама еріп, түрлі сериалдарға түскен кіршіксіз бейкүнә кезімді. 

Бір күні мені Мәскеуге шақырды, киноға түсу үшін. Кастингісінің өзі жарты жыл болды. Қазақстаннан атақты деген актрисалардың барлығы шақыртылды. Бірақ, неге екенін, олар мені таңдапты. Басты рөлге. Режиссер Павел Чухрайдың "Сынақ" деген фильміне. Кино Семейдегі ядролық сынақ туралы, әрине сол трагедиямен қатар жүріп жатқан қос ғашықтың махаббаты туралы болды кино. (Егер осы жазбамды сол кездегі түсірілім алаңында болғандардың біреуі оқитын болса, талып қалатын шығар. Өйткені ол кезде мен өте ұяң едім, шашымда үнемі шашбауым болатын. Мен ұлттық әшекейіммен қатты мақтанатынмын, шашбауымды сылдырлатып, алдарында құлыншықтай секіріп жүруші ем. Төсек, сүйісу деген сахналар да болды ол арада. Бірақ мен одан бас тартқанмын).

Бірақ, өкінішке қарай, бұл жоба аяғына жетпей, желкесі қиылды. Бұл менің өмірімдегі кішігірім трагедия болды. Өйткені менің арманым орындалды, енді бүкіл Қазақстанға танымал боламын деп ойлап алған едім. Сөйтсем өмір маған басқа танымалдылықты даярлап қойған екен ғой). Сонымен таныса отырыңыздар, бұл Сіздер білмейтін Байзақова", - деп жазды ол.