«Есік өзі ашылып кетті»: блогер кезекті видеосын түсіріп тұрғанда қорқынышты жағдай болды (ВИДЕО)

Кезекті видеосын түсіріп тұрған кезде есік әндете сықырлап, өзі ашылып кетті. Десекте, бейнежазбаның авторы бұны әдейі істегендей.

Фото: thefamouspeople.com

Әлеуметтік желіде танымал америкалық блогер қыз Дэйзи Маркестің түсірген видеосын жаппай талқылап жатыр. Сұлу бикеш камераға қарап сөйлеп тұрғанда артындағы есік әндете сықырлап, өзі ашылып кетті,-деп хабарлайды SkifNews ақпарат порталы Sputnik International-ге сілтеме жасап.

Видеода байқағанымыздай блогер әдеттегідей жарнама ролигін түсіруді бастайды. Көп ұзамай есік ашылып кетеді. Дези Маркес сөзін кілт тоқтатып, бұрылып артына қарайды. Автор үйде ешкім жоқ екенін айтады.

Дези төменгі қабатқа түскенде біреу иығынан итеріп жібергенін жасырмады. Бірақ желі қолданушылары "блогер интрига тудыру үшін бұл оқиғаны қолдан жасап отыр" деп сөзіне сенбеді.