«Жалғыздық шаршатты»: Мөлдір Әуелбекова желіде жеке өмірін талқыға салды

Отандық танымал әнші Мөлдір Әуелбекова жалғыздық күйінен әбден шаршаған көрінеді. Желі қолданушылары эстрада жұлдызының әлеуметтік желідегі соңғы жазбасына сүйене отырып, оның жалғыз ұлына мейірімін төгетін әке іздеуге кіріскенін болжады. Онда өнер иесі шарасыздықтан өз күшіне ғана сеніп қалғаны жайлы жан сырын ақтарды деп жазады Nur.kz.

Мөлдір Әуелбекова Instagram парақшасында аса әсерлі жазба жариялап, оқырмандарын ойландырып қойды. Әнші ішкі толғанысымен бөлісіп, жалғыздықтың кесірінен қандай жағдайға тап болғанын айтып берген.

"Карантинде үйде отырып түсінгенім, өзім еркек өзім әйел болыппын. Шарасыздықтан өз күшіме ғана әбден сеніп қалған екенмін ғой. Қайтем енді, қайтем. Басқа амалым да, таңдауым да жоқ екен.

Соған кейде жәй, анда-санда ойлап қоятыным бар. Бір арқа сүйерім - балама мейірімін төгіп әке бола алатын, маған шынайы қамқор болатындай пейілі таза азаматым болғаны да дұрыс па?

Қалай ойлайсыздар? Әлде керек емес пе? Жалғыздық шаршатты. Сырласайық қәне достар, Махаббат үшін" , - деп жазды Мөлдір Әуелбекова.