«Елуден асқан әйелге жасанды кірпіктің не қажеті бар!?»: Гүлзира Айдарбекова желідегілердің қолдауына ие болды

Бетіне опа-далап жақпай суретке түскен Гүлзира Айдарбекова сынға қалды, деп хабарлайды Caravan.kz.

"Бүгінгі күніміз үшін Аллаға сансыз шүкір! Алма ағаштарымыз да басқа ағаштарымыз да гүлдеп тұрған соң, түсіп қалмай тұрып, әдемі гүлдерімен суретке түсіп алайын деп тұрғаным ғой. Кірпік табиғи, тырнақ жоқ, тап-таза болып жүрміз. Өзіммен бірге оларда демалсын. Ел тыныш, отбасымыз амандықта болсын!", - деп отбасымен түскен суреттерін жариялады. 

Оқырмандар продюсер ханымның түр әлпетін сынға алды. Бірі қасыңыз дұрыс жасалмаған десе, енді бірі елуден асқан әйелге жасанды кірпіктің не қажеті бар деп жазды. 

"Ауылдың қара әйелі болып тұрсың. Әрқашан солай бол" деп бояусыз жүргенін қолдады.