«Туайын деп жатырмын»: әнші Айгүл Иманбаева жүкті екенін айтты (ВИДЕО)

Отандық танымал актриса әрі әнші Айгүл Иманбаева ғаламтор кеңістігінде қызу талқланып жатыр. Халықтың өнер иесіне деген асқан қызығушылығына оның желіде тарап кеткен видеосы себеп болса керек. Онда ол өзінің жүкті екенін мәлімдеп, жақында босанғалы жатқанын айтқан деп жазады nur.kz.

Айгүл Иманбаева өзінің аяғы ауыр екенін жасырмай айтқан бейнежазбасы Instagram желісіндегі qaz.stars парақшасында жарияланды. Видеода эстрада жұлдызының өнердегі құрбысы Ләйлә Сұлтанқызына жақын арада бала босанып қалатынын айтып жатқанын көруге болады.

Иманбаеваның сөзінше, оның жүктілігі жетінші айына таяп қалған.Ол бүгінде сәнді көйлектеріне әрең сыйып жүргенін алға тартты.

"Маған айтады "ту ту" деп, міне жеті ай болды. Ал не дейсің? Белдік те байланбай қалды. Ешкімге айтпа көз тиеді" , - деді Айгүл Иманбаева Ләйлә Сұлтанқызына.

Желі қолданушылары аталмыш бейнежазбаны бірден қызу талқыға салуға көшті. Олардың өнер иесінің мәлімдемесіне қатысты түрлі пікірі бар болып шықты. Бірі актриса үшін қуанып, тілекші болып жатса, енді бірі оның бар болғаны әзілдегенін жеткізді. 

"Барлық нәрселері жария болды ғой" , "Сіздің жасыңызда туу қауіпті. Денсаулығыңызды қадағалап жүру керек" , "Қуаныштымын сіз үшін, лайықтысыз" , "Ұлыңыздың артынан қарындасы ере берсін" , "Сенбеймін, өтірік әзілдеп тұрған секілді" , "Ләйлә тоқтамай күлгеніне қарағанда қалжын сияқты ғой" , "Рас та шығар. Ғашығым бар деді емес пе" , "Осы әншілер жария салмай жүре алмайды. Өздері йтып алып, сосын жүреді "бізге тиісе береді" деп" , "Қатты қуанып тұрмын сіз үшін" , - деп жазуда көпшілік.