Мәдениет & Шоубиз 29.03.2021 сағат 20:39

"Ұлы дала психологтарына рахмет!": Мейіржан Төребаев Ерке Есмаханды "мақтаншақ" деп атады

Төребаев әншіні ұзақ күттірмей, оған Stories арқылы жауап берді.
"Ұлы дала психологтарына рахмет!": Мейіржан Төребаев Ерке Есмаханды "мақтаншақ" деп атады
Бөлісу
Бөлісу
Бөлісу

Әнші Ерке Есмахан белгілі вайнер әрі актер Мейіржан Төребаевтың "Маска" шоуының қазылар алқасының құрамына кіргеніне наразылығын білдірді. Әнші мен әзілкеш Instagram желісінде бір-бірімен сөзге келіп қалды, деп жазды sn.kz, NUR.KZ-ке сілтеме жасап.

Өнер иелері өзара келісе алмай, бір-біріне Stories арнады. Бұл ретте Ерке Есмахан әділқазы ретінде өзі қатысатын "Маска" жобасының видео үзінділерімен бөлісті. Бейнежазбада оның қатысушыға қатысты пікір білдіріп жатқанын көруге болады. Осы орайда Төребаев әншінің сөзін бөліп жіберді.

"Мейіржан, "Өнер барысы" болсаң да, болмасаң да быт-шытыңды шығарамын" деп жазды Ерке Есмахан.

Одан кейін әнші әзілкештің қазылар алқасының құрамында отырғанына шүйлікті. Төребаев әншіні ұзақ күттірмей, оған Stories арқылы жауап берді. Ол Еркені мақтаншақ деп мұқатты.

"Мақтанамын. Ал сен, біріншіден, менің өнеріммен танысып ал, сен ба деп отырмай!" деп жазды Ерке Есмахан.

Сонымен қатар ол сананың адам өміріне қаншалықты әсер ететіні туралы жазба жариялады.

"Білесіздер ме, адамның жетістігіне оның білімі онша әсер ете қоймайды екен. Білім болу керек, әрине. Бірақ көбіне әсер ететіні - санасы! Психолог апайлардың бейсана, түпсана туралы көп әңгіме айтатыны сол екен ғой. Мысалы мен сабақты шемішкідей шақпасам да, кішкентайымнан армандаған, ойлаған ойымның барлығы жүзеге асыпты. Соны бүгін түсіндім. Шүкір! Оның түпсана екенін о кезде білмеймін ғой. Ұлы дала психологтарына рахмет", - деді әнші.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар